198-ы дзень пратэстаў: акцыі ў падтрымку журналістаў і да дня роднай мовы

Банер у падтрымку журналісткі Кацярыны Барысевіч у мінскім раёне Міхалова / TUT.by
Банер у падтрымку журналісткі Кацярыны Барысевіч у мінскім раёне Міхалова / TUT.by

198-ы дзень пратэстаў у Беларусі супаў з Міжнародным днём роднай мовы. А беларусам толькі дай нагоду прыдумаць што-небудзь цікавае! Расказваем, што адбываецца ў Беларусі і вакол Беларусі.

Жыхары мінскіх "Шарыкаў" запісалі ролік, дзе гучыць верш Ларысы Геніюш "Мая мова".

А жыхары Навінак вырашылі звярнуцца да Пуціна напярэдадні яго сустрэчы з Лукашэнкам — яна адбудзецца 22 лютага ў Сочы. Яны раяць Пуціну навучыцца казаць "Не!".

Жыхары Жодзіна расказалі пра свае любімыя словы на роднай мове.

Жыхары Велазаводу, Шарыкаў, Трактарнага і Серабранкі перапелі марш з мюзікла "Адрынутыя" — у перакладзе Андрэя Хадановіча.

А ў раёне Міхалова з'явіўся банер, прысвечаны журналістцы TUT.by Кацярыне Барысевіч: суд над ёй і доктарам Арцёмам Сарокіным пачаўся 19 лютага і працягнецца ў паняделак 22-га. "Кветкі замест тэрміна", — напісана на банеры.

198-й день протестов: акции в поддержку журналистов и ко дню родного языка
Банер у падтрымку Кацярыны Барысевіч / TUT.by

Павіншаваць беларусаў з Днём роднай мовы ўзяліся і дыпламаты краін ЕС. Яны знялі ролік, у якім распавядаюць пра свае любімыя словы на беларускай.

Вельмі крутое відэа, дзе гучыць верш Янкі Купалы "Паўстань з народу нашага, прарок", запісалі жыхары польскай Познані.Упэўненыя, што сёння адбудзецца яшчэ шмат чаго цікавага. І мы абавязкова пра гэта напішам.

Без маршаў, дарэчы, таксама сёння не абышлося. А яшчэ беларусы вырашылі нагадаць тым, хто засмуткаваў, што хутка вясна. І праўда, застаўся ўсяго тыдзень — павінна стаць лягчэй.

Упэўненыя, што сёння адбудзецца яшчэ шмат чаго цікавага. І мы абавязкова пра гэта напішам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі